New
Uppselt

Heilsuráðgjöf hjá Alettu Sørensen - Styttri (50mínútur)

FRAMLEIÐANDI: Heilsubarinn

21.650 kr

Aletta Sørensen er reyndur, löggiltur næringarfræðingur með áherslu á hagnýta læknisfræðilega (e. functional medicine) nálgun sem býður nú uppá heilsu og bætiefna ráðgjöf.

Þessi tegund af ráðgjöf hentar einstaklingum sem eru ekki með langvinna sjúkdóma eða flókna heilsufarssjúkdóma og vilja fá einstaklingsmiðaða bætiefnaráðgjöf.

Þessi ráðgjöf er 50 mínútur og fer fram á netinu og á ensku (hægt er að fá aðstoð við þýðingu í viðtalinu ef enskan er vandamál). 

Með því að skoða tengslin milli einkenna, heilsufarssögu og líkamskerfa mun Aletta útbúa meðferðaráætlum með markvissum ráðleggingum um fæðubótarefni og mataræðiog hugsanlegar ráðleggingar um frekari prófanir eftir því hvað hentar í hvert sinn og hvers er óskað.

Aletta hefur einstakan skilning á líkamanum, heildræna hugsun, víðtæka menntun, gríðarlega reynslu og hefur hún náð miklum árangri með skjólstæðingum sínum.

Hún hefur sjálf lent í alvarlegum veikindum sem hún hefur þurft að vinna sig upp úr með hjálp næringar, lífstílsbreytinga og bætiefna. Þetta hefur gefið henni einstaka innsýn í hvað virkar og hvað ekki á eigin skinni og hvernig er hægt að vinna að því að komast að rót veikinda með hjálp hagnýtrar læknisfræðinálgunar.

Aletta hefur unnið með skjólstæðingum um allan heim og hefur sérhæft sig í flóknum veikindum þar sem mörg kerfi líkamans eru í ólagi. Þá hefur hún einnig unnið með fjölmörgum með minna flókin heilsuvandamál þar sem markmiðið er að efla heilsuna og hámarka hana. Hún nýtir sér nýjustu klínísku rannsóknir og fjölbreytta tækni og aðferðir til að hjálpa skjólstæðingum sínum að ná árangri í heilsumarkmiðum sínum. 

Hún leggur mikið upp úr að efla heilsu með því að fræða og veita skjólstæðingum sínum verkfæri til að taka sjálft ábyrgð á heilsu sinni og þannig bætt lífsgæði. 

Athugaðu að ráðgjöfin fer fram á ensku og í símaviðtali eða netviðtali. Ef enskan er vandamál getum við einnig skoðað stuðning við þýðingu. 

Stundum bendir hún á bætiefni sem við eigum ekki til en við erum í þeirri aðstöðu að geta sérpantað bætiefni eftir þörfum. 

Ef þú er með flókin heilsufars vandamál, þá mælum við frekar með ítarlegu ráðgjöfinni hjá henni sem fæst hér. 

Meiri upplýsingar um Alettu og ummæli frá skjólstæðingum er að finna hér fyrir neðan undir nánari upplýsingum. 

Nánari upplýsingar
Innihaldslýsing
Notkun
Vísindagreinar
Mikilvægar upplýsingar
Nánari upplýsingar

Í ítarlegu ráðgjöfinni er kafað dýpra í heilsuna og horft á samspil allra kerfanna í líkamanum. Á þessari 1 klukkustund og 30 mínútum er notaður ítarlegur spurningalisti til að meta almenna líðan þína, jafnvel á svæðum sem þú gætir ekki verið meðvituð/meðvitaður um að þurfi að sinna.

Með því að skoða tengslin milli einkenna, heilsufarssögu og líkamskerfa munum við reyna að finna hugsanlegar rætur orsaka og þróa persónulega meðferðaráætlun fyrir þig.

Þessi áætlun mun innihalda markvissar ráðleggingar um fæðubótarefni, mataræði, breytingar á lífsstíl og hugsanlegar ráðleggingar um frekari prófanir eða mat.

Þessi tegund af ráðgjöf hentar einstaklingum með langvinna sjúkdóma eða flókna heilsufarssjúkdóma sem vilja alhliða skilning og sérsniðna nálgun á líðan sinni.

Ummæli um Alettu frá íslenskum skjólstæðingi:

"Ég var búin að vera mjög veik í tvö ár og alvarlega veik frá miðjum desember 2022. Ég hafði farið á milli lækna, verið send í alls konar rannsóknir og fengið ýmsar greiningar, sem sumar voru síðar dregnar í efa. Ég var að taka 25 til 30 töflur af kemískum lyfjum á dag. Ég hafði nær enga matarlyst, kúgaðist þegar ég reyndi að setja eitthvað ofan í mig og klígjaði við næstum því öllum mat sem ég horfði á eða fann lykt af. Ég var orðin mjög máttfarin, orkulaus, sljó, einbeitingarlaus, mjög þrútin í andliti og með bjúg á nokkrum stöðum í líkamanum. Ég fann fyrir mikilli óútskýranlegri vanlíðan bæði andlega og líkamlega. Ég kastaði upp allri næringu sem ég setti ofan í mig hvort sem það var í föstu eða fljótandi formi. Í lokin var ég farin að kasta upp þeim lyfjum sem ég reyndi að innbyrða. Ég lá allan daginn í sófanum undir sæng og var í
rauninni orðin ósjálfbjarga því ég var svo þreklítil. Þrátt fyrir allar þessar rannsóknir fundust engar skýringar á uppköstunum og alvarlegu ástandi mínu.

Í byrjun apríl 2023 fékk ég tölvupóst frá Heilsubarnum þar sem Aletta Sørensen var kynnt til sögunnar. Ég ákvað að panta netspjall við hana og athuga hvort hún gæti hjálpað mér. Það hefur verið ein af bestu ákvörðunum sem ég hef tekið. Það sem heillaði mig við Alettu strax í upphafi var að hún hlustaði á og heyrði það sem ég sagði. Síðan spurði hún mig markvissra spurninga og það voru akkúrat þær spurningar sem ég var að reyna að fá svör við hjá læknum. Ég skynjaði strax að hún tengdi við líðan mína þegar ég lýsti ástandi mínu fyrir henni. Hún vissi strax hvað var í gangi í líkamanum mínum. Hún er greinilega mjög næm á neyðarkall líkamans og fljót að finna leiðir til að laga það.

Í kjölfarið af netspjalli okkar setti hún saman prógramm sem spannaði allar daglegar athafnir mínar: næringu, bætiefni og hvernig á að taka þau, hreyfingu, hvíld og hvers ég mætti vænta í byrjun. Þar voru líka ráðleggingar um hvaða fæðutegundir ég ætti að leggja áherslu á og hvað ég ætti að forðast, a.m.k. á meðan ég var að byggja upp heilsu mína. Það er gríðarlega gott og traustvekjandi að hafa faglega leiðsögn með bætiefnin og mataræðið. Aletta er fagleg, örugg og hefur þægilegt viðmót. Hún setur mál sitt fram með skýrum hætti. Hún grípur ekki fram í þegar ég tala og tekur mig trúanlega. Hún talar auðvelda ensku og meira að segja ég skil það sem hún segir. Guðfinna hjá Heilsubarnum hefur verið með.

Einnig las hún saman, í sérstöku forriti fyrir heilbrigðisstarfsmenn, þau kemísku lyf sem ég var að taka. Þá kom
í ljós að þar voru tvær lyfjategundir sem voru beinlínis hættulegar saman og unnu illa með nokkrum öðrum lyfjum. Um páskana (í byrjun apríl) gleymdi ég að leysa út lyfin mín og gat því ekki tekið þau. Þá gerðist svolítið merkilegt. Ég hætti alveg að kasta upp. Það var því rétt sem Aletta hafði sagt áður um samsetningu lyfjanna. Þetta sýnir vel að Aletta veit hvað hún er að gera.

Ég þarf auðvitað enn þá að taka kemísk lyf en núna, tveimur mánuðum seinna, er ég aðeins að taka fimm kemískar lyfjategundir (8 töflur). Bætiefnin hafa komið í stað hinna með góðum árangri.

Aletta lagði ríka áherslu á það strax í upphafi og ítrekar það alltaf þegar þörf er á að allar lyfjabreytingar skildu vera í samráði við lækna. Hún útbjó bréf, sem ég gat tekið með mér til læknanna, með ábendingum og tillögum. Hún ryðst ekki yfir þeirra verksvið eða vanvirðir þeirra störf á nokkurn hátt. Hún vill vinna með þeim að betri heilsu og líðan fyrir mig.

Aletta er virk í eftirfylgni og það er greinilegt að henni er mikið í mun að vita hvernig mér líður og hvernig gengur hjá mér. Það er ómetanlegt að finna stuðning hennar, finna að hún hefur áhuga á að ég nái árangri og allt sé að virka rétt. Hún sendir mér því tölvupóst af og til og ég get líka alltaf sent henni tölvupóst og fengið hjá henni bæði ráð og hvatningu. Einnig eigum við reglulega netspjall þar sem við förum yfir málin og hún uppfærir prógrammið mitt út frá líðan minni og ástandi líkamans. Ég á henni margt að þakka. Líf mitt er mikið betra í dag. Eftir að ég skipti yfir í bætiefnin frá Heilsubarnum undir hennar leiðsögn hef ég tekið miklum framförum, bæði líkamlega og andlega. Meira að segja hef ég aftur fengið minn upprunalega háralit en áður var ég orðin talsvert gráhærð. Matarlystin er betri, ég get farið í göngutúra og unnið létt heimilisverk flesta daga.

*** Ég hef aðeins verið undir hennar leiðsögn í tvo mánuði! ***
Við erum bara rétt að byrja :-)

- Aðalbjörg skjólstæðingur




Aletta Sørensen er reyndur, löggiltur næringarfræðingur með áherslu á hagnýta læknisfræðilega (e. functional medicine) nálgun sem býður nú uppá heilsuráðgjöf fyrir kúnnana okkar.


Aletta hefur einstakan skilning á líkamanum, heildræna hugsun, víðtæka menntun, gríðarlega reynslu og hefur hún náð miklum árangri með skjólstæðingum sínum.


Hún hefur sjálf lent í alvarlegum veikindum sem hún hefur þurft að vinna sig upp úr með hjálp næringar, lífstílsbreytinga og bætiefna. Þetta hefur gefið henni einstaka innsýn í hvað virkar og hvað ekki á eigin skinni og hvernig er hægt að vinna að því að komast að rót veikinda með hjálp hagnýtrar læknisfræðinálgunar.


Aletta hefur unnið með skjólstæðingum um allan heim og hefur sérhæft sig í flóknum veikindum þar sem mörg kerfi líkamans eru í ólagi. Þá hefur hún einnig unnið með fjölmörgum með minna flókin heilsuvandamál þar sem markmiðið er að efla heilsuna og hámarka hana. Hún nýtir sér nýjustu klínísku rannsóknir og fjölbreytta tækni og aðferðir til að hjálpa skjólstæðingum sínum að ná árangri í heilsumarkmiðum sínum.


Hún leggur mikið upp úr að efla heilsu með því að fræða og veita skjólstæðingum sínum verkfæri til að taka sjálft ábyrgð á heilsu sinni og þannig bætt lífsgæði.


Hún hefur einnig unnið við ráðgjöf á háþróuðum bætiefnalínum, unnið að námskeiðum í samstarfi við þekktar erlendar stofnanir og sérfræðinga í greininni, ásamt því að fá umfjöllun í fjölda lækna- og heilsutímarita.


Hvort sem þú ert að leitast eftir að hámarka heilsuna eða vinna með flókin heilsufarsleg vandamál þá tekur Aletta á móti þér í ráðgjöf.


Hér koma ummæli frá skjólstæðingum Alettu erlendis frá:


“ Ég mæli hiklaust með Alettu vegna þess að hún hefur hjálpað mér að skilja mikilvægi heilbrigðs mataræðis og lífstíls. Hún er sérfræðingur sem hefur greinilega eitt miklum tíma í að afla sér þekkingar á sínu sviði. Með nákvæmni sinni, eftirtekt og greiningaraðferðum tókst henni að komast að orsök einkenna sem ég hef glímt við í mörg ár. Með hennar hjálp tókst mér að tileinka mér mun heilbrigðari lífstíl. Hún er fær í að setja fram flóknar læknisfræðilegar upplýsingar á skýran og einfaldan hátt. Aðrir eiginleikar hennar sem mér finnst bera af eru hversu áreiðanleg hún er og fagleg. Ég mun alltaf leita til Alettu í framtíðinni með mín heilsuvandamál.”

- Adelina skjólstæðingur


“Aletta er mjög heildrænn næringarfræðingur! Hún gaf mér ekki bara næringaráætlun heldur einnig heilbrigðari lífstíl sem hefur hjálpað mér með þyngdartap eftir tíðahvörf! Ég mæli mikið með uppskriftunum hennar og næringaráætlun.”

- Celia skjólstæðingur


“Aletta breytti lífi mínu. Eftir að hafa verið með síþreytu og mikla heilaþoku í yfir 15 mánuði og vandamál í lungum eftir Covid og verið við það að gefast upp með að ná einhverjum bata og ná fyrri heilsu fékk ég tækifæri á að vinna með Alettu. Eftir mjög ítarlega upphafsráðgjöf þá náði hún að finna rót vandamálanna hjá mér og koma með ítarlega næringar- og bætiefnaáætlun. Lífið mitt breyttist eftir þetta. Ég hafði aldrei haft þessa nálgun á mataræði en áætlunin innihélt mikið að hreinum mat, mikið af próteinum og að forðast unninn mat. Með þessu einu og sér leið mér mun betur. Aletta hefur haldið áfram að vinna með mér og styðja mig í gegnum breytingar sem ég fann fyrir í vegferðinni. Ég er nú orðin 85% af því sem ég var áður og er farin að æfa eins og áður sem er yndislegt. Nú hef ég verkfærin og þekkinguna til að halda áfram á þessari vegferð. Ég hefði aldrei trúað því að þetta væri hægt fyrir 9 mánuðum síðan. Ég er svo þakklát fyrir hjálpina og þessa öflugu þekkingu sem Aletta hefur gefið mér. Þekking hennar er einstök, ég hef lært svo mikið á því að vinna með henni. Ég myndi mæla með henni við hvern sem er.

- Ebony skjólstæðingur


“Ég hafði verið með krónísk einkenni þreytu og öndunarfæravandamála, ásamt öðrum vandamálum í yfir 14 mánuði þegar ég hitti Alettu fyrst. Öll einkennin byrjuðu eftir að ég fékk Covid-19. Ég eyddi 14 mánuðum í að ná bata án stuðnings. Ég prófaði fjöldann allan af vítamínum og lífstílsbreytingum án nokkurs bata. Aletta kom eins og ferskur andblær. Ég fór í ítarlegt viðtal til hennar og sagði henni heilsufarssöguna mína. Hún fann strax lykilatriði sem við yrðum að tækla til að líkaminn minn fengi tækifæri í að lækna sig. Það hefur enginn hlustað jafn vel á mig og skilið mig alla mína ævi. Hún hefði ekki getað haft meira rétt fyrir sér í þeim skrefum sem við tókum næst með næringu og bætiefnum því eftir 5 vikur fann ég strax ótrúlegan árangur. Ég hef einnig lært svo mikið af henni um næringu, þekkingin hennar er einstök. Takk Aletta!!”

- Sara skjólstæðingur


Athugaðu að ráðgjöfin fer fram á ensku og í símaviðtali eða netviðtali. Ef enskan er vandamál getum við einnig skoðað stuðning við þýðingu. Fyrsti tíminn er einn og hálfur tími þar sem farið er í ítarlega heilsufarssögu og síðan kemur Aletta með ráðleggingar í formi næringar, lífstíls, og/eða bætiefna eftir því sem við á.

Fyrsti tími í ráðgjöf er einn og hálfur tími og kemur Aletta svo með ítarlegar ráðleggingar eftir það, næringar, lífstíls og/eða bætiefnatengdar eftir því sem við á.

Stundum bendir hún á bætiefni sem við eigum ekki til en við erum í þeirri aðstöðu að geta sérpantað bætiefni eftir þörfum.

Innihaldslýsing

Heilsuráðgjöf

Notkun
Vísindagreinar
Mikilvægar upplýsingar

Upplýsingum sem eru á síðunni er ekki ætlað að koma í stað tilmæla eða ráðgjafar fagfólks í heilbrigðisþjónustu.

Sjúklingar á lyfjum, sérstaklega þeir sem haldnir eru alvarlegum sjúkdómum ættu að ráðfæra sig við lækni áður en þeir hefja neyslu bætiefna.

Ekki skal neyta meira af vörunni en ráðlagður neysluskammtur segir til um.

Fæðubótarefna skal ekki neyta í stað fjölbreyttrar fæðu.

Geyma skal vöruna þar sem börn ná og sjá ekki til.

Customer Reviews

Be the first to write a review
0%
(0)
0%
(0)
0%
(0)
0%
(0)
0%
(0)
Frítt að sækja á Dropp stað

Þegar verslað er fyrir 15 þúsund krónur og meira.

Greiðslumáti.

Við tökum við debet og kredit kortum, ásamt Netgíró.

Vöruskil.

Veittur er 14 daga skilaréttur við kaup á vöru.

VÍSINDALEGA RANNSÖKUÐ INNIHALDSEFNI

HVAÐ ÞÝÐIR ÞAÐ?

Bætiefni og vítamín á Heilsubarnum eru sérstaklega valin inn með tilliti til þessa og er mikil áhersla lögð á að þau séu af réttri tegund sem nýtist líkamanum.

Innihaldsefnin og tegundir þeirra hafa vísindarannsóknir á bakvið sig til þess að staðfesta virkni þeirra.

Við gerum okkar besta í að benda á vísindagreinar þegar það á við.

AF HVERJU SKIPTIR ÞAÐ MÁLI?

Algengt er að þeir sem eru leitast eftir að bæta heilsuna með bætiefnum og vítamínum séu í þörf fyrir það og heilsan ekki í topp standi.

Þá eru góðar líkur á að líkaminn sé ekki í standi til að nýta öll innihaldsefni eða tegundir innihaldsefna og þá er gríðarlega mikilvægt að þau séu á formum sem eru lífaðgengileg og frásoganleg og tekið sé tillit til umhverfis og erfða.

Meiri upplýsingar
Heilsuráðgjöf hjá Alettu Sørensen - Styttri  (50mínútur)

Heilsuráðgjöf hjá Alettu Sørensen - Styttri (50mínútur)

21.650 kr