Hér finnur þú allt sem skiptir máli þegar þú verslar á heilsubarinn.is: hver selur, hvernig afhending fer fram, hvernig þú skilar vöru og hvaða rétt þú hefur.

• Seljandi
• Pantanir og samningur
• Verð og greiðsla
• Afhending
• Réttur til að falla frá kaupum
• Gölluð vara
• Áskriftir
• Um bætiefnin
• Persónuvernd og kökur
• Ágreiningur og lög
• Eyðublað til að falla frá kaupum

1. Seljandi

Seljandi er Heilsubarinn ehf., kt. 471021-0320, Sjafnarbrunni 1, 113 Reykjavík.
VSK-númer: 142619
Netfang: heilsubarinn@heilsubarinn.is
Sími: 664 1170

Heilsubarinn ehf. er skráð í fyrirtækjaskrá Skattsins og starfar samkvæmt starfsleyfi frá Heilbrigðiseftirliti Reykjavíkur.

Skilmálar þessir gilda um kaup neytenda á vörum í vefversluninni heilsubarinn.is. Fyrirtæki í heildsöluviðskiptum semja sérstaklega um kjör. Skilmálarnir eru á íslensku og samningur er gerður á íslensku.

2. Pantanir og samningur

Þú setur vörur í körfu, ferð í greiðsluferlið, fyllir út upplýsingar um afhendingu og greiðir. Áður en þú staðfestir pöntunina sérðu yfirlit yfir vörur, magn, heildarverð og sendingarkostnað, og getur leiðrétt villur eða breytt körfunni.

Kaupsamningur kemst á þegar þú hefur greitt og færð staðfestingu á pöntun í tölvupósti. Staðfestingin inniheldur upplýsingar um pöntunina og tengil á þessa skilmála. Við mælum með að þú geymir hana. Þú getur líka séð pantanir þínar á aðganginum þínum ef þú ert með slíkan.

Ef vara reynist uppseld eftir að pöntun er gerð, eða ef augljós villa hefur orðið í verði eða vörulýsingu, höfum við samband við þig. Þá getur þú valið um að bíða eftir vörunni, fá aðra vöru eða fá fulla endurgreiðslu án tafar. Við kunnum að hafa samband við þig til að staðfesta pöntun ef upplýsingar virðast rangar.

3. Verð og greiðsla

Öll verð eru í íslenskum krónum og með virðisaukaskatti. Sendingarkostnaður bætist við samkvæmt verðskrá í kafla 4 og kemur fram í greiðsluferlinu áður en þú greiðir. Engin önnur gjöld bætast við.

Greiða má með greiðslukorti í gegnum örugga greiðsluþjónustu Teya, eða með Netgíró. Heilsubarinn fær ekki aðgang að kortanúmerum. Ef þú greiðir með Netgíró gilda jafnframt skilmálar Netgíró um þá greiðslu. Verð geta breyst án fyrirvara, en pöntun er alltaf afgreidd á því verði sem gilti þegar hún var gerð.

4. Afhending

Górilla vöruhús hýsir lagerinn okkar og tekur til pantanir. Pantanir eru afgreiddar og sendar á virkum dögum. Pantanir sem berast um helgi eða á frídegi eru afgreiddar næsta virka dag. Þú velur í greiðsluferlinu hvort varan er send á afhendingarstað Dropp, heim að dyrum eða með Samskipum. Með Dropp berast sendingar samdægurs á höfuðborgarsvæðinu og á Suðvesturhorninu, en næsta virka dag annars staðar á landinu. Ef afhending tefst látum við þig vita. Vara er í öllu falli afhent innan 30 daga frá pöntun nema um annað sé samið.

Sendingarleið	Verð
Dropp, afhendingarstaður á höfuðborgarsvæðinu	990 kr.
Dropp, afhendingarstaður utan höfuðborgarsvæðis	1.090 kr.
Dropp, pantanir fyrir 20.000 kr. eða meira	Frítt
Heimsending á höfuðborgarsvæðinu	1.590 kr.
Heimsending á Suðurlandi	1.690 kr.
Samskip, utan höfuðborgarsvæðis	1.690 kr.

Heilsubarinn ber ábyrgð á vörunni þar til hún er komin í þínar hendur, eða í hendur þess sem þú hefur tilgreint. Ef sending týnist eða skemmist á leiðinni færðu nýja vöru eða endurgreiðslu. Skoðaðu sendinguna þegar þú tekur við henni og láttu okkur vita sem fyrst ef eitthvað er að.

5. Réttur til að falla frá kaupum

Þú hefur rétt til að falla frá kaupunum innan 14 daga án þess að gefa upp ástæðu. Fresturinn byrjar þegar þú, eða sá sem þú tilgreinir, tekur við vörunni. Ef pöntun berst í fleiri en einni sendingu byrjar fresturinn þegar síðasta sendingin berst.

Undantekningar

Rétturinn til að falla frá kaupum á ekki við um:

• innsiglaðar vörur sem ekki er hægt að skila af heilsuverndar- eða hreinlætisástæðum ef innsiglið hefur verið rofið eftir afhendingu. Þetta á t.d. við um bætiefni, matvæli, drykki, kaffi, tannkrem og munnlímband;
• vörur sem geta skemmst eða runnið út á skömmum tíma.

Óopnaðar vörur með órofnu innsigli má alltaf skila innan frestsins.

Hvernig þú fellur frá kaupum

Sendu okkur skýra yfirlýsingu um að þú viljir falla frá kaupunum á heilsubarinn@heilsubarinn.is, eða í gegnum Hafa samband. Þú getur notað eyðublaðið neðst á síðunni en þarft þess ekki. Nóg er að yfirlýsingin sé send áður en 14 daga fresturinn rennur út. Pöntunarnúmer dugar sem sönnun fyrir kaupum.

Skil á vörunni

Auðveldast er að skila vörunni með Dropp. Farðu á dropp.is/voruskil, veldu að skila vöru frá annarri verslun og fylgdu leiðbeiningunum. Pakkaðu vörunni vel, helst í upprunalegu umbúðirnar, og skilaðu henni á næsta afhendingarstað Dropp. Þú mátt líka senda vöruna á annan hátt, og þá sendum við þér heimilisfang.

Sendu vöruna án ástæðulausrar tafar og í síðasta lagi 14 dögum eftir að þú lést okkur vita. Þú greiðir beinan kostnað við að senda vöruna til baka, samkvæmt verðskrá Dropp eða annars flutningsaðila sem þú velur. Þú berð ábyrgð á rýrnun á verðgildi vörunnar ef hún stafar af annarri meðferð en þarf til að kanna eiginleika hennar.

Endurgreiðsla

Við endurgreiðum kaupverðið og upphaflegan sendingarkostnað án ástæðulausrar tafar og í síðasta lagi 14 dögum eftir að þú lést okkur vita. Ef þú valdir dýrari sendingarmáta en ódýrasta staðlaða sendingarmátann endurgreiðum við aðeins verð þess ódýrasta. Endurgreitt er með sama greiðslumáta og þú notaðir, nema um annað sé samið, og þér að kostnaðarlausu. Við getum haldið endurgreiðslu eftir þar til varan hefur borist okkur eða þú hefur sýnt fram á að hún hafi verið send.

6. Gölluð vara

Ef vara er gölluð, skemmd eða ekki í samræmi við pöntun átt þú rétt á úrbótum samkvæmt lögum nr. 48/2003 um neytendakaup. Það getur falist í nýrri vöru, afslætti eða endurgreiðslu, og eftir atvikum skaðabótum. Heilsubarinn greiðir allan sendingarkostnað vegna gallaðrar vöru.

Láttu okkur vita innan hæfilegs tíma eftir að þú verður gallans var. Tilkynning innan tveggja mánaða telst alltaf nógu snemma. Kvörtunarfrestur er tvö ár frá afhendingu. Galli sem kemur fram innan sex mánaða frá afhendingu er talinn hafa verið til staðar við afhendingu nema annað sé sannað.

Gott er að senda mynd af vörunni, lotunúmeri og best-fyrir-dagsetningu með tilkynningunni.

7. Áskriftir

Sumar vörur er hægt að kaupa í áskrift. Þá er varan send og greidd sjálfkrafa með því millibili sem þú velur, á því verði sem gildir hverju sinni. Verð og tíðni koma fram áður en þú staðfestir áskriftina.

Þú getur breytt, gert hlé á eða sagt upp áskriftinni hvenær sem er á áskriftasíðunni eða með því að hafa samband við okkur. Enginn uppsagnarfrestur er á áskriftum og uppsögn tekur gildi strax. Engin binding er á áskriftum. Réttur til að falla frá kaupum samkvæmt kafla 5 gildir um hverja sendingu.

8. Um bætiefnin

Fæðubótarefni koma ekki í stað fjölbreytts fæðis og heilbrigðs lífernis. Ekki skal neyta meira en ráðlagðs dagskammts sem fram kemur á umbúðum. Geymið þar sem börn hvorki ná til né sjá. Ef þú ert barnshafandi, með barn á brjósti, tekur lyf eða ert undir læknishendi skaltu ráðfæra þig við lækni eða lyfjafræðing áður en þú notar bætiefni.

Upplýsingar á vefnum eru almenns eðlis og koma ekki í stað ráðgjafar heilbrigðisstarfsfólks. Við leggjum okkur fram um að upplýsingar og myndir séu réttar, en framleiðendur geta breytt umbúðum. Upplýsingar á umbúðum vörunnar gilda alltaf.

9. Persónuvernd og kökur

Við vinnum aðeins með þær persónuupplýsingar sem þarf til að afgreiða pöntunina þína og veita þjónustu. Nánar er fjallað um það í persónuverndarstefnunni. Hvaða vefkökur vefurinn notar og hvernig þú stýrir þeim kemur fram í kökustefnunni.

10. Ágreiningur og lög

Um kaupin gilda íslensk lög, einkum lög nr. 48/2003 um neytendakaup, lög nr. 16/2016 um neytendasamninga og lög nr. 30/2002 um rafræn viðskipti. Ekkert í þessum skilmálum takmarkar rétt þinn samkvæmt þeim lögum.

Ef ágreiningur kemur upp viljum við fyrst reyna að leysa hann með þér. Takist það ekki getur þú lagt málið fyrir Kærunefnd vöru- og þjónustukaupa, Borgartúni 29, 105 Reykjavík, netfang kvth@kvth.is. Einnig má leita til Neytendastofu eða Neytendasamtakanna. Dómsmál má reka fyrir Héraðsdómi Reykjavíkur, án þess að það takmarki rétt þinn til að höfða mál þar sem lög heimila.

Við kunnum að uppfæra skilmálana. Um hverja pöntun gilda þeir skilmálar sem voru í gildi þegar hún var gerð.

11. Eyðublað til að falla frá kaupum

Fylltu út og sendu þetta eyðublað aðeins ef þú vilt falla frá kaupum. Þú getur afritað textann í tölvupóst.